Comisiwn annibynnol i archwilio’r potensial ar gyfer ynni cynaliadwy o Aber Afon Hafren
![Croesfan Pont Hafren Pont Hafren yn croesi o Loegr i Gymru, ar fachlud haul.](https://www.severncommission.co.uk/wp-content/uploads/2024/02/640x433-Bridge-2-1.webp)
![Croesfan Pont Hafren](https://www.severncommission.co.uk/wp-content/uploads/2024/03/Home-Page-Bridge-1.webp)
Mae wedi bod yn hysbys ers peth amser fod gan Aber Afon Hafren botensial enfawr ar gyfer creu ynni adnewyddadwy glân. Gydag un o’r ystodau llanw uchaf yn y byd, amcangyfrifwyd bod ganddo’r potensial i greu hyd at 7 y cant o gyfanswm anghenion trydan y DU.
Gyda’r DU yn dod yr economi fawr gyntaf yn y byd i osod ymrwymiadau cyfreithiol rwymol i gyrraedd sero net, mae arweinwyr lleol, busnesau a llywodraethau wedi datgan awydd i gael golwg arall ar y dystiolaeth i weld a oes ateb hyfyw i harneisio’r ynni hwn wrth amddiffyn amgylchedd ac asedau ein hardal.
Yn cynnwys grŵp amrywiol o arbenigwyr o gefndiroedd gwyddonol, peirianneg, amgylcheddol, bydd gan y Comisiwn hwn yr arbenigedd a’r annibyniaeth sydd ei angen arno i archwilio a yw defnyddio Aber Afon Hafren i greu pŵer cynaliadwy yn gyraeddadwy ac yn hyfyw.
Ynglŷn â’r Comisiwn
Bydd gan y Comisiwn gylch gwaith agored i archwilio ystod o opsiynau, gan gynnwys edrych ar ba dechnoleg ynni sy’n bodoli, opsiynau cyllido ac ariannu, sut y gellir diogelu’r amgylchedd, ffactorau cymdeithasol ac economaidd, a llawer o bynciau eraill.
Amcanion y Comisiwn yw:
Penderfynu
Penderfynu ar y potensial ar gyfer ynni cynaliadwy yn Aber Afon Hafren yng nghyd-destun system ynni Porth y Gorllewin a’r cyfraniad y gall ei wneud i economi sero net;
Ystyriaethau
Deall ystyriaethau allweddol Aber Afon Hafren o ran ei amgylchedd unigryw a’i bwysigrwydd i ardal Porth y Gorllewin; a
Adnabod
Nodi’r heriau a’r cyfleoedd allweddol o ddatblygu ynni cynaliadwy yn Aber Afon Hafren
I gyflawni ei amcanion, bydd y Comisiwn yn ymgysylltu â rhanddeiliaid allweddol; gan gomisiynu ymchwil a dadansoddiadau; a bydd yn chwilio am fewnbwn arbenigol, i benderfynu ar argymhelliad terfynol. Wrth gyflawni hyn, bydd y Comisiwn yn cael ei gefnogi gan Ysgrifenyddiaeth a nifer o arbenigwyr.